ریکارڈ پر موجود رجسٹر نمبر 19 کے مطابق 13-02-2025 کو مبینہ برآمد شدہ منشیات اور اس کے نمونے تفتیشی افسر نے محرر تھانہ کے حوالے کیے۔ درخواست مورخہ 13-02-2025 سے ظاہر ہے کہ نمونے سات دن کی تاخیر سے، رسید نمبر 34 مورخہ 20-02-2025 کے تحت کانسٹیبل فضل حسین کے ذریعے ایف ایس ایل پشاور بھجوائے گئے، حالانکہ قواعد کے مطابق نمونے 72 گھنٹوں کے اندر ارسال ہونا لازم تھے۔ مزید برآں رجسٹر نمبر 21 ریکارڈ پر پیش نہیں کیا گیا جس سے نمونوں کی محفوظ ترسیل ثابت ہو سکے۔ چالان تیار ہو چکا ہے مگر پندرہ دن گزرنے کے باوجود ایف ایس ایل رپورٹ دستیاب نہیں۔